Tumhein Main Yad Ati hun? A jab paagal si larki hai mujhe har khat mein likhti hai mujhe tum yaad karte ho? tumhein main yaad aati hoon? meri baatein sataati hain meri neendein jagaati hain meri aankhein rulaati hain december ki sunheri dhoop mein ab bhi tehelte ho? kisi khamosh raste se koi awaz aati hai? thatharti sard raaton mein tum ab bhi chhat pe jaate ho? falak ke sab sitaaron ko meri baatein sunaate ho? kitbaaon se tumhare ishq mein ki kami aayee ya meri yaad ki shiddat se aankhon mein nami aayee? ajab paagal si larki hai mujhe har khat mein likhti hai jawaban usko likhta hoon meri masroofiyat dekho subha se shaam daftar mein charagh-e-umr jalta hai phir iske baad dunia ki kayee majbooriyan paaon mein beri daal rakhti hain mujhe be-fikr chaahat se bhare sapne nahin dikhte tehelne, jaagne, rone ki fursat hi nahin milti sitaaron se mile arsa huwa naraz hoon shayad kitabon se shaghaf mera abhi waise hi qayam hai farq itna para hai ab unhein arse mein parhta hoon tumhein kis ne kaha pagli tumhein main yaad karta hoon? ke main khud ko bhulane ki musalsal justujoo mein hoon tumhein na yaad aane ki musalsal justujoo mein hoon magar ye justujoo meri bohot nakaam rehti hai mere din raat mein ab bhi tumhari shaam rehti hai mere lafzon ki har maala tumahre naam rehti hai tumhein kisne kaha pagli mujhe tum yaad aati ho? purani baat hai jo log aksar gungunaate hain unhein ham yaad karte hain jinhein ham bhool jaate hain ajab pagal si larki ho meri masroofiyat dekho tumhein dil se bhulaaoon to tumhari yaad aaye na! tumhein dil se bhulane ki mujhe fursat nahin milti aur is masroof jeewan mein tumhare khat ka ik jumla tumhein main yaad aati hoon meri chaahat ki shiddat mein kami hone nahin deta bohot raatein jagata hai mujhe sone nahin deta so agli baar apne khat mein ye jumla nahin likhna ajab paagal si larki hai, mujhe phir bhi ye likhti hai mujhe tum yaad karte ho? tumhein main yaad aati hoon? .