Bazeecha-e-Atfaal Hai B aazeecha-e-atfaal hai duniya mere aage Hota hai shab-o-roz tamasha mere aage Hota hai nehaan gard mein sehra mere hote Ghista hai jabeen khaak pe darya mere aage Mat poochh ke kia haal hai mera tere peechhe Tu dekh ke kia rang hai tera mere aage Imaan mujhe roke hai jo kheenche hai mujhe kufr Kaaba mere peechhe hai kaleesa mere aage Go hath ko jumbish nahin aankhon mein to dam hai Rehne do abhi saaghar-o-meena mere aage Ik khel hai aurang-e-sulemaan mere nazdeek Ik baat hai ejaaz-e-maseeha mere aage Juz naam nahin soorat-e-aalam mujhe manzoor Juz waham nahin hasti-e-ashyaa mere aage Sach kahte ho khud-been-o-khud-aaraa hoon na kyon hoon baitha hai but-e-aayina seema mere aage Phir dekhiye andaaz-e-gul_afshaani-e-guftaar Rakh de koi paimaana-e-sahbaa mere aage Nafrat ka gumaan guzre hai main rashk se guzraa kyon kar kahoon lo naam naa us kaa mere aage Aashiq hoon par maashooq-farebi hai mera kaam Majnoo ko buraa kehti hai lailaa mere aage Khush hote hain par wasl mein yoon mar nahin jaate Ayee shab-e-hijraan ki tamannaa mere aage Hai maujzan ik qulzum-e-khoon kaash! yehi ho Aataa hai abhi dekhiye kia kia mere aage Ham_peshaa-o-ham_mashrab-o-ham_raaz hai meraa 'Ghalib' ko buraa kyon kaho achchhaa mere aage .