Meri daastan-e-hasrat wo suna suna ke roye Mere aazmaane waale mujhe aazmaake roye Koi aisa ahl-e-dil ho ke fasanaa-e-muhabbat Main use sunaa ke roun wo mujhe suna ke roye Teri be-wafaaiyon par teri kaj-adaaiyon par Kabhi munh chhupa ke roye kabhi sar jhuka ke roye Kaheen sar-ba-raaste mein wo milein to unse kehna Main udaas hoon akela mere paas aa ke roye Jo sunayee anjuman mein shab-e-gham ki aap-beeti Kuchh roke muskuraye kuchh muskura ke roye Mere pass say guzar kar mera haal tak na poocha Main ye kaise maanloon ke wo door jaa ke roye Meri aarzoo ki dunia dil-e-natawan ki hasrat Jise kho ke shaadman thee use aaj paake roye